Essays in Love · Fashion & Life Style · Life as a Londoner

有錢女都要注意︰公司新人手袋經

作為一個年紀已經唔細既小資女,有時候係中環行走心裏都會自卑,覺得要買返個LV呀Gucci呀鎮住個場。Seriously呢班白領儷人點解個個都買得起名牌袋呢?有時我更加會諗,如果俾我見到公司個新入職靚妹同事拎住個Chanel Classic 2.55,我會點樣judge呢個後生女既attitude。

一定有人係背後話,條友靠父蔭靠關係啦,冇料到既;又會話玀得咁既袋點解要係呢d地方做野呢,真係慘。Indeed, 一個人拎咩袋同佢真實既attitude 同competency 係冇關係,absolutely 冇關係。但first impression就係咁吊詭,好似你笑同唔笑根本唔代表咩,握手實唔實在都唔代表咩,但就係create到一個感覺出黎,而感覺真係好主觀既。

商業世界就係咁架啦,非常勢利,有時候望下你對鞋係批發貨定Jimmy Choo,拎住果個係Chanel定老翻,然後你未開聲已經心裏有好多assumptions。

新入職之女,無論你既底細係窮係富,用既手袋都要小小心心。事先聲明,我focus既職要主要係專業人士果D,唔係創意路線既行業,亦唔係一般文員,果D我真係冇咩經驗﹑冇咩thoughts。

新入職之女最忌係咩呢,個袋太貴或太可愛。太可愛個Message好清楚︰你未訓醒。揹住個有D小卡通人物既袋令人誤會你不想長大,你叫老闆點帶你去見客?如果你覺得同一個袋,中學生之間都流行既,咁就唔好拎。

太耀眼既名牌袋,人人都知果種,真係貴果種,閃閃生輝果種,留返週末用啦。俾上司見到,可能會錯誤表達左一種,「我賺萬一蚊都有Miu Miu用,因為我就係混吉既二世祖」呢種好有機會其實唔係你真實性格和鬥心既image,自己將自己放入危險中,unwise。有時用名牌袋係冇所謂既,但睇清楚你果輩既人用咩袋,睇清楚你上司用咩袋,再玀你個靚野出黎都唔遲。第一個禮拜返工就玀個人人稱羨既LV BB出黎,招惹無謂既gossip就唔好啦。What you want係人地係背後話呢係後生女似係肯學肯做,唔係呢個大小姐係度招招積積,right? 我地對於人言,要用risk adverse既態度。

咁用咩袋好呢?新入職/新出大學搵工者其實好多機會要四出走動,幫上司帶文件﹑突然出街見客學野,所以實用性比anything都重要,米多莉認為有三個主要條件︰

  • 夠大
  • 夠輕
  • 防水

This is exactly why Longchamp咁成功。夠大﹑輕身﹑防水﹑中價﹑French﹑優雅既品牌,搞掂。利申︰冇sponsor。

出街可以袋到文件和電腦;夠輕上下班唔會墜到膊頭痛;臨時臨急夠軟可以用黎買餸﹑防水突然落水冇遮唔驚個妝融,因為可以用佢黎擋一擋丫嘛。一物十八用,呢幾百蚊真係值到笑。係,連師奶都愛用Longchamp,but so what? 番工又唔係fashion show。

Of course唔一定要揹Longchamp,Kate Spade﹑Michael Kors都有人用不過我覺得唔夠輕身而已。只要你個袋滿中到以上三個條件,又唔係太可愛就可以架啦。

我個由搵工到依家都揹住既袋,底部四個角都磨蝕哂啦。回想起呢幾年捱世界既酸甜苦辣,呢個袋跟住我東奔西走,真係full of memories。或者係今日終於唔再係小靚妹,又或者係九月將到有好多學子變身做社會人,望住我個殘殘舊舊既袋,心頭忽然一陣熱,都有點欷歔。

祝畢業搵緊工﹑等緊番工﹑啱啱開始番工既你地工作順利,加油呀﹗

 

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s