Essays in Love · Life as a Londoner

4件係英國工作既不同之處

最近有人問我係香港同英國做野有咩唔同,諗左我好耐,最後決定用一日由起身到訓覺既模式分享,因為兩個地方,由訓醒的一刻就唔一樣了。

利申:英國咁大工種咁多,分別都好大既。香港人做老師同做banker都唔一樣啦?所以米多莉都係focus係倫敦做私人公司既經驗分享吧。

1. 好多英國人都係morning person

我諗香港除左退休老伯之外,大部分人都貪睡遲起身既路線,partly因為遲放工遲訓吧?所以會六點幾起身做gym沖涼再返工既人真係少之又少。而係英國,老闆們員工們都幾興早返工,唔興遲放工。有時七點幾返到公司,沖杯咖啡利用頭腦清醒又冇會開既時間搞掂d tasks,特別有效率。

2.冇得恃住自己係small potato

由中學係英國讀書我就留意到一件事。長輩(老師或上司)係英國會好尊重下屬或學生既意見。其中一個例子,就係如果你修數學科咁計啦,而老師想係禮堂召集所有修咩屎既學生,佢會咁講:

Could all the mathematicians please come see me outside the hall now please?

個point係咩呢?係佢叫d修咩屎既靚仔做"數學家"!我果陣聽到,個心寒左一寒,喂我都係讀下咩屎啫,托唔起數學家咁大頂帽喎。而佢地真係會咁講,例如你有一條生活化既科學問題,走去問老師,佢可以咁答你:"great question, maybe you can discuss this with Matt, he is a physicist and may have some knowledge on this!" 殊不知Matt都係考緊Gcse(類似會考) physics 啫。

呢個尊重孩子們選修既專業,並附上一份尊榮和責任感,係公司都會見到。雖然新入職既small potatoes冇咩經驗,但冇人會因為咁而覺得你唔知做緊乜(除非做左一段日子發現你真係未訓醒)。佢地會覺得你梗係諗清楚先加入公司既某一部門,只要教育,就會係專業人士,而你都應該自發作出襯托你公司既良好表現。

因此靚仔係唔可以因為細粒就唔俾意見,老闆都會希望聽你既想法,反而唔鐘意齋做冇talk之人。埋頭苦幹勤勞上進,不是工作上所有事情的solution.

3. 好talk得

講起talk得,呢個好多人細個黎英國讀書就會發現得,點解佢地咁多野講架呢。

如果你係香港,當你第一日去上堂,課餘學日文咁話。你黎到課室,老師未到,同學坐係度咁會做咩呢?通常都係各自係度玩電話,點會無啦啦同個唔識既同學傾偈呢?

但英國人去到邊都會傾下偈既,呢種叫small talk,天氣食物工作服裝旅行讚美抱怨,they just gotta say something!

係商業社會,呢種友善又有氣勢既talk得人士,英國人會覺得佢好"smooth",好友善識networking,有大將之風咁話。

我唔知如果日文班第一堂有條友一入班房就不停講野:"Oh my Lord I thought I was late!it is pouring outside, so ridicuous.i am so looking forward to this course…."香港朋友既反應會係咩呢?

Eeek.

4. 各自空間好重要

我曾經見過有人係香港既辦公室播電台節目。呢件事我真係不能夠理解,唔通全條team都鐘意聽森美小儀既?唔通冇人要專心係寧靜既環境工作架咩?

係英國做野雖然好多人講野討論工作,但好少人其實真係好大聲。一來本身英國人講野就細聲啦,二來佢地習慣如果有更多更長久既事要傾,通常都會坐開一邊,或者入房講。當然同辦公室既大細都有關啦。不過佢地會小心注意自己既行為會唔會影響他人(當然,沖突或不滿依然都時有發生既)。

如果要聽歌聽波,都會戴上耳機既。

不過我懷疑會公開播電台都係老式d既公司囉可?

今次講住咁多先,日後諗到留意到更多就出第二集囉。

Facebook, instagram @midorilondon

One thought on “4件係英國工作既不同之處

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s