Essays in Love

男神話,佢唔鐘意食…

「我其實咩都食架,不過講到最討厭既食物…」男神Alan頓了一頓,像花倫同學一樣順理一下額前的頭髮,才說︰「應該係Jerusalem artichoke。」

在場既港女呆左一呆,唔知咩係Jerusalem artichoke,咩「束」嘩?唔Q知。

港女Kiwi︰「係囉,我都唔鐘意,真係好腥呀。」我睜了一睜眼,內心暗忖了一下,完來Kiwi誤會了artichoke係魚。我很想更正說︰「No, Kiwi, that’s anchovy, not artichoke。」但當然我沒有。

港女Monica︰「嘩乜你食得咁嘴刁既﹗呢D咁唔common既野係香港唔會食到啦,咁冇咩所謂啦。」我透了一口大氣,這種幫人做結論,無啦啦扮人生導師既港女,係英文有個字,叫condescending。咁既係點?咁即係英國回流返黎既男神Alan應該最X憎condescending 既人囉,冇行啦Monica。

港女米多莉……聽罷港女Kiwi和Monica呢D言論之後,我冇講野。會講得出我最討厭既食物係Jerusalem artichoke既人,根本就係想人唔明所以impress,又或者令已經知咩係Jerusalem artichoke既人都覺得impressed。

講到呢度,讀者們又知唔知咩係Jerusalem artichoke?

冇咩,Jerusalem artichoke – 菊芋,係一棵菜黎。仲要個樣好衰添︰

istock20jerusalem20artichoke

BBC Good Food

好似芋頭咁但個口感唔係咁既,係爽D既。外國人鐘意用黎整濃湯或者煎煎佢咁囉。

Anyways,講返男神Alan,佢一講呢句野我就覺得佢好鬼扮野。不過冇計啦,扮得野有學識又有樣,仲要外國返黎,佢唔多唔少都令人諗起近日收左好多億果個Package Lau既。咁Alan咪Package Lan囉,i.e. you know, Package 撚。

呢D咁高端既Package 撚,最鐘意曬一D不必要既知識,令到對方接到話下去,咁就win嘞。其實我覺得真係好煩,呃得下一D無知既港女或MK妹就OK,但呃我地呢D老江湖,一眼就俾人睇穿嘞。

你知唔知故事發展係咩呢?其實當日係四女共圍一夫既,第四條港女,"純真無邪"既Tina,就話︰「識呢D咁特別既食物真係好犀利呀,希望有機會可以試下味。」我真係唔知佢係真心覺得佢犀利,定係其實利用天然無知既聲線諷刺緊佢。不過佢係演員又好﹑係真心又好,總之用如此溫柔而感覺真摰既語氣去稱讚一個想被稱讚既男人,真係好滿足到哂呢個Package 撚既ego,即係自我。

當晚Package 撚皇上欽指邊個陪呢?送邊個返屋企呢?當然是家住沙田乙明邨果個Tina啦。

有時候,我會諗點解個個男人都覺得日本女仔最好。其實自大港男想要既,都係一個會用溫柔撫摸佢ego既女人o者,令佢既上唔到車﹑不斷做公司奴隸既自卑感銷然散去;而港女,都係想一個有自信,可以保護到佢既男人o者。既然係咁,咪演下戲囉,互相滿足對方既需要,相輔相成﹑互補長短;港女唔駛下下都扮識野,扮人生導師,扮顧問架。

我把餘下的香檳喝完,一個人靜靜咁行去隔幾條街既一間法國餐廳-Arcane,點左一碗我最鐘意既Jerusalem artichoke velouté。

今日不是三八婦女節嗎?International women’s day,努力扮野去取悅男人這種事,今天不做(真諷刺)。

 

想知道更多有關英國的事,請關注米多莉的Facebook! @midori 米多莉

想偷看米多莉在倫敦靡爛的文青生活(?!) -可以關注Instagram – @midorilondon

每星期一香港時間10PM發文唷,另加不定期牢騷:)

 

 

One thought on “男神話,佢唔鐘意食…

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s