Essays in Love · Fashion & Life Style · Life as a Londoner · The Private Room · Uncategorised · Wild Thoughts

心靈應急裝備包-每個都市男女都需要的5件求生妙品

日本人防災意識很重,因此每個人家居自備災害時用的急救包包。有水,有罐頭食物,有被子等等,我覺得是個十分重要的概念。

這樣不由得令到我感恩自己住在天然災害較少的國家,但不等於我們的人生中沒有災害。人生一定有雖然及不上天災人禍,但也會影響我們成長和生存的災害。在香港,這類的災害很多,小至小學生的學業壓力,大至老人家在老人院被非人道對待;到我們事業失敗﹑炒樓炒燶﹑愛情失意﹑被女神欺騙等等等等。

你以為我講笑,其實我們應該認真對待這些所謂的first world problems。因為,我們一直以來把這些看得太渺小,但你知道,我們是渺小的小角色小市民,我們會被傷害的,或者真不是甚麼大事;so what?難道被人甩就不是悲哀事嗎?難道,入唔到大學要讀個副學士不是令人氣餒嗎?of course it is,因此,獨自在倫雜十這個城市居住多年的米多莉,在被現實虐待待的體無完膚的時候準備了應付心靈災害的裝備包,應急用。

1. 一本旅遊書

係你一直真係真係想去既國家,唔係果D美食購物觀光團,係你背著背包要去看的國家。買一本有歷史說明的旅遊書,有點彩色圖的,專業D既,好像lonely planet果種。米多莉果本係緬甸。有一天你知道自己真的要逃生,都提醒自己可以出走去哪兒,可以去邊度一排體驗生活,好好清晰頭腦思考丫嘛。

2. 小時候的筆記本

雖然依家D小學生好慘,聽講冇乜童真……(我都唔知可以點幫佢地)但係我地果一代,都仲算有返個童年,又曾有天馬行空快樂既階段。當年既紀念冊或者小筆記小日記,其實都值得儲低一本回顧。回顧有兩睇,1) how far have I gone off my dream path(我離開我的理想多遠) and 2)how much of an idiot I was in the past (從前我是有多麼的白痴)。唔駛咁有深度既,有時候玀黎笑下架o者,放鬆一下心情,但有時都可以做下提醒。

3. 定額儲錢鑵

因為作者住英國,所以這十年都有個習慣,就係每次得到一個50p既七角形銀仔,就會儲入去逃生儲錢鑵入面。50p唔係好多錢,但係儲下儲下小小既離家出走(就算係一日去大澳都好丫﹗)都可能有D機既。如果你錢多或者野心大,都可以儲下錢幣既,每次有張一百蚊就收入去個小錢包度,咁要出走一下個心係會定D既。同埋呢個係你既「任性應急出走Fund」,有氣派喎。

4. 一本冇間線既簿仔

細個要做抄寫簿,成日俾人教要點係條單行上面寫字。黎到英國,先知你點寫其實有咩所謂,識寫睇得面你打橫寫都冇人care。但我地香港人被困住係某一個框框太耐了,一本冇線既簿仔係俾你跨一小步仔。想係上面畫野,寫人生大計,變五線譜寫首歌仔又得,乜都得,得左。

5. 珍惜既照片

你可能覺得菲林相﹑寶萊懶文青,但其實相比手機裏的照片,實體曬左出黎既照片好重要。試想想,多年前出征的軍人,沒有能用iPHONE上網,胸前口袋裏總袋著情人家人的黑白照片,閒時邊抽煙邊想念他們。這時一槍,打在軍人的胸口,也打在照片上,在千里遠的家人忽然征住,第六感感到失去了一些甚麼。(腦洞大開中……重返正題),我們在追求一些生存的東西(工作﹑錢﹑上車)的時候,人之常情,會忘記左人先係最重要的,逃生不是一定要一個人出走,也可以出走困境重返what really is the most important的人事當中。

選五張相保存在急救包裏吧,你會發現想念的從來不是自己豪宅外的海景,而是在海景前自己摟著的家人愛人。

6. 跳繩

唔係俾你吊頸,求你唔好誤會。係俾你真係用黎跳繩既。點解?因為香港人唔做運動;唔做運動又點?會唔釋放Dopamine;冇Dopamine又點,人會唔開心囉?人唔開心應該點?做運動囉。所以人係最困惑既時候,可能物件3儲錢鑵仲未夠錢俾你去到物件1 旅遊書果個國家,睇完物件2舊筆記和物件5舊照片令你更加欷噓既時候。就算有物件3冇間簿有時都冇inspirations。你要立即做既事,其實係運動,咁點解要跳繩,因為好high架,又有小時候跳大繩既FU,又易收埋係個背包度,你有一日去到旅行都可以帶住佢架,何樂而不為呢?

後記︰I am not joking, I really am not joking guys. 請關注自己的精神健康。

Instagram: Midorilondon
Facebook: midorilondon 
喜歡請分享,愛我請關注唷﹗<3

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s