為何港女總是要扭計

A︰我想食過海果檔雞蛋仔﹗
B︰嘩咁遠,來回都要成個鐘喎﹗為左個雞蛋仔唔值喎。
A︰唔制呀﹗我要食雞蛋仔呀﹗唔係北角果檔我唔食﹗
B︰唉呀你唔好咁啦,下次過開海車你去買啦﹗
A︰唔制我一定要依家食呀﹗我要食雞蛋仔呀﹗
B︰………

究竟A是一個小孩子,還是一個港女呢?在香港,我覺得兩者都有可能。港女,有時會跟一個乳臭未乾的小童一樣,特別喜歡扭計。

根據米多莉多年的觀察,這應該就是港女最討人厭的地方。

 

心理學有一個理論叫Parent – Adult- Child Model 去把人的對話方式分類。扭計的港女,就是明明是成年人,偏偏要用小孩的方式去講話,絕對可以唱返首S.H.E.的<不想長大>來諷刺一番。有可能是沒有從小孩模式成長過來,又或者是社會風氣的問題,可能阿A扭扭下計,B真係會撲過海買雞蛋仔都不一定,GG,奸計得逞。

老實說,來英國以前我也是個不折不扣的港女,無他,我們的港產片和文化把我孕育成一個這樣的人。但過來英國後,這種孩子氣的對答方式完全唔work,其他人也不會因為你裝可愛﹑撒嬌或是發脾氣而遷就你。最多覺得你痴線,蠻不講理。

深入D諗,這種講話的方式會給關係帶來很多麻煩和衝突。無風起浪,實在係嫌這個世界唔夠亂,香港社會怨氣唔夠重,把脆弱的感情徒添一點裂痕。

有沒有想過可以換一個adult一點的方式去表達的意願?

A: 我想食過海果檔雞蛋仔﹗
B︰嘩咁遠,來回都要成個鐘喎﹗為左個雞蛋仔唔值喎。
A: 但係我好想食喎。
B︰咁不如我地去樓下果檔啦,又唔係唔好食。
(考慮一陣)A︰咁又係既,不過下次過開海你要車我去買架
B︰梗係冇問題啦﹗

這是某一個星期六,我看到一個新娘在自己的婚禮上發難渣黑面扭計的時候,深深體會到的一份悲哀。Why do you do this to yourself? Why.

💗

關注我 IG @thesimplemidori

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s